Қытайды ҚХЛ-де танытып келген хоккей клубы өз тарихының бір кезеңін жапты. Команда Құрлықтық хоккей лигасында енді өнер көрсетпейді.
6 тамыз күні клуб өзінің ресми Telegram-арнасында жанкүйерлеріне жылы лебізін білдіріп, қоштасу жазбасын жариялады:
"9 маусым, 557 матч, 4 қала және сансыз естелік. Осы жылдар бойы бізбен болған ойыншыларға, жаттықтырушыларға, қызметкерлерге, жанкүйерлерге және серіктестерге алғыс айтамыз. Қай қалада ойнасақ та — Бейжің, Шанхай, Шыңжаң, Челябі, Новосибирск немесе Мытищи — біз әрқашан қолдауды сезіндік. Әсіресе Мәскеу облысындағы жанкүйерлерімізге алғысымыз ерекше. "Арена Мытищи" біз үшін нағыз үйге айналды. Барлық тарихтың соңы болады, бірақ жаңа бастауға да жол ашады".
"Куньлунь Ред Стар" 2016 жылы ҚХЛ-ге қосылды. Тоғыз маусымда команда тек бір рет плей-офф кезеңіне шығып, алғашқы маусымында-ақ ширек финал жолдамасын сарапқа салды. Бірақ бірінші айналымда "Металлургке" 1:4 есебімен жол берді.
ҚХЛ чемпионатының жаңа маусымы 5 қыркүйекте басталады.
