Астаналық «Барыс» өз мұз айдынында ярославльдік «Локомотивке» қарсы ҚХЛ-дың кезекті матчын өткізді.
Ресейлік клуб турнир кестесінде Шығыс конференциясының көшін бастап келген, ал қазақстандық команда алтыншы орында тұрған.
Алғашқы екі кезеңде астаналық клуб қонақтарға қарсылық көрсете алмай, қақпасына екі шайба жіберді. Үшінші кезеңде «Локомотив» басымдығын еселей түсті. Екі рет дәл соққы жасап, есепті 0:4-ке жеткізді. Соңына қарай Райли Уолш бір шайба қайтарды. Алайда соңғы соққыны қарсылас тіркеп, матч 1:5 есебімен аяқталды.
«Барыс» келесі ойынын 5 қазан күні сырт алаңда өткізеді. Қарсылас — Новосибирскінің «Сібір» клубы.
