"Барыстың" экс-шабуылшысы 4 жылға ойыннан шеттетілді

Тәуелсіз апелляциялық комиссия бес хоккейшінің ұйымның мінез-құлық кодексін бұзғанын растады. Нәтижесінде төрт ойыншыны белгілі бір мерзімге ұлттық құрама жарыстарынан шеттету ұсынылды:

• Кэл Фут - 2026 жылғы 10 қарашаға дейін;
• Картер Харт - 2027 жылғы 10 қарашаға дейін;
• Диллон Дюбе - 2028 жылғы 10 қарашаға дейін;
• Майкл Маклауд - 2030 жылғы 10 қарашаға дейін.

Ал Алекс Форментонға бүгіннен бастап ойындарға қатысуға рұқсат берілді.

Ұлттық құрамаға іріктеу күшейтіледі

Хоккейшілер апелляциялық процесс аяқталғанға дейін Канаданың хоккей федерациясы санкциялаған бағдарламаларға қатыса алмайды. Сонымен қатар ұлттық құрама сапына үміткер ойыншылар үшін қосымша тексеру процедурасы енгізіледі. 2025 жылы хоккейшілер сексуалды зорлық-зомбылық ісі бойынша ақталған болатын.

“Барыс” сапында ойнаған

Майкл Маклауд 2024/25 маусымында Қазақстанның “Барыс” клубында өнер көрсетті. Ол команда сапында 16 матч өткізіп, 3 шайба соғып, 3 нәтижелі пас берген. Қазіргі уақытта канадалық шабуылшы Омбының “Авангард” клубында ойнайды.