"Барыс" шабуылшысы қазақ тілін үйреніп жүргенін айтты
"Барыстың" америкалық шабуылшысы Мэйсон Морелли Қазақстанға бейімделуі және тіл үйренуге талпынысы туралы тәжірибесін бөлісті.
Хоккейші "Чемпионатпен" сұхбатында қазақ және орыс тілдеріндегі сөздерді үйреніп жүргенін айтты.
"Әрине, кейбір сөздерді үйренуге тырысып жүрмін. Күнделікті өмірде көмектесетін сөздерді жаттап жатырмын. Әзірге қиындықтар бар, бірақ қаладағы адамдармен және жігіттермен олардың ана тілінде сөйлесе аламын деп үміттенемін.
Барлық жігіттермен қарым-қатынас орнату үшін түрлі сөздер мен тіркестерді үйренуге тырысамыз. Қазақстан мен Ресейдегі өмір салтына, жергілікті мәдениет пен әдет-ғұрыпқа бейімделуге тырысып жүрміз. Кейде бұл қиындық туғызады, бірақ мен үшін өте пайдалы әрі қызықты", – деді америкалық хоккейші.
Сонымен қатар "Барыс" ойыншысы қыркүйектегі нәтижелерге байланысты команда маусым барысында өз ойынын жақсартуға жеткілікті уақытқа ие деген пікір білдірді.
"Бәрін ретке келтіруге уақыт жеткілікті. Біз сенімді түрде алға жылжып келеміз және командамыз үшін бұл маусымның жақсы болатынын білеміз. Барлығының көңіл-күйі өте жоғары."
2 қазанда "Барыс" ҚХЛ аясында Нижнекамскінің "Нефтехимигын" 5:4 есебімен жеңді. Астаналықтар келесі кездесуін 4 қазанда сырт алаңда мәскеулік "Спартакқа" қарсы өткізеді.