Астаналық "Барыстың" құрлықтық хоккей лигасының жаңа маусымын сәтсіз бастауына тәртіптің жоқтығы себеп.
Шайбалы хоккейден Қазақстанның бұрынғы мемлекеттік жаттықтырушысы Сергей Шавернев осылай дейді. Оның пікірінше, "Барыс" сапындағы шетелдік ойыншылардан ерік-жігер еш байқалмайды. Күзгі Астанада серуен құрып жүргендей. Бұлай болмайды. Жаңадан келген хоккейшілермен әңгіме жүргізу қажет. Олар ойынға деген көзқарасын өзгертуі керек, дейді маман. Естеріңізге сала кетейін, "Барыс" клубы келесі кездесуді 13 қыркүйек күні өз алаңында өткізеді. Қарсылас Минсктің "Динамо" командасы.
