Шайба.kz дерегі бойынша Рахат Маржықпаев елордалық «Барыс» хоккей клубының бас директоры қызметіне үміткерлердің бірі саналады.
Қазақстанның Туризм және спорт министрлігінің бұрынғы басшысы Ермек Маржықпаевтің інісі Рахат Маржықпаев елордалық «Барыс» хоккей клубының бас директоры қызметіне үміткерлердің бірі. Бұл туралы Шайба.kz сайты хабарлады.
Аталған басылымның мәліметіне сәйкес, астаналық клубтың баспасөз қызметі әзірге Борис Иванищевтің отставкаға кеткені туралы ресми хабарлаған жоқ. Десе де, бұл жайлы SportQory спортты қолдау қорын хабардар еткен.
Айта кетейік, Рахат Маржықпаев «Номад» клубы сапында Қазақстан чемпионатында өнер көрсеткен. Ресейдің жоғары хоккей лигасында (ВХЛ) да ойнаған. бала кезінде бокспен де айналысқан. 2013 жылы 57 келіге дейінгі салмақ дәрежесінде жасөспірімдер арасында әлем біріншілігін жеңіп алған. Ал 2015 жылы хоккейден жасөспірімдер арасындағы әлем чемпионатында Қазақстан құрамасы сапында өнер көрсетті.
26 жастағы маман биылдан бастап «Барыстың» спорт директоры қызметін атқарып келеді.
