Елордалық клуб Құрлықтық хоккей лигасы аясында сырт алаңда Новосібірдің «Сібірімен» кездескен болатын.
Бүгін астаналық «Барыс» Құрлықтық хоккей лигасы аясында сырт алаңда Новосібірдің «Сібірі» командасымен кездесті.
Ғалым Мәмбеталиев бұл ойынға келесі құрамды шығарды: Бояркин (Маттссон) — Бекетаев-Данияр, Жафяров-Николишин-Бурдасов; Камалов-Хохлов, Панюков-Өмірбеков-Асетов; Гайтамиров-Бутенко, Бочаров-Бойко-Сетдиков; Королев-Оразов, Мұратов-Логвин-Рахманов.
Бірінші кезең қонақтардың пайдасына шешілді. Шайба авторы — Әділ Бекетаев.
Екінші кезеңде ресейліктер есепті теңестірді. Ал соңғы жиырма минуттықта Антон Бурдасов командасын алға шығарса, Иван Николишин есепті еселей түсті. Қорытынды есеп — 3:1.
Енді «Барыс» 29-шы қазанда өз алаңында Қытайдың «Куньлунь Ред Стар» командасын қабылдайды.
