Турин қаласында өтіп жатқан Қысқы Универсиадада қазақстандық хоккейшілер Чехия құрамасын жеңіп, жалпы есепте 5-орынға тұрақтады. Аталған ойында хоккейшілеріміз қарсыластан 5:2 есебімен басым түсті.
Отандастарымыз А тобында сынға түсті. Қарсыластары — Канада, Чехия, Оңтүстік Корея және Швеция құрамалары болды.
Топтың кезеңде Швецияны 9:2, Оңтүстік Кореяны 7:1 есебімен жеңіп, одан кейін Канадаға 3:4, Чехияға 1:3 есебімен жол берді. Өз тобында жеті ұпаймен үшінші орынға тұрақтады.
Ал ширек финалда қазақстандық хоккейшілер Словакияға 1:2 есебімен жол берді.
