Астананың "Барыс" хоккей клубы ҚХЛ тұрақты чемпионатында Магнитогорсктің "Металлург" командасымен сырт айдында кездесіп, тағы да жеңіліске ұшырады.
Кездесудің басты фавориті ретінде Гагарин Кубогының қазіргі иегері саналатын "Металлург" командасы қарастырылды.
Үш кезең қорытындысы бойынша "Металлург" қарсылас қақпасына төрт шайба салды, ал "Барыс" бір ғана голмен жауап қайтара алды. Осылайша, астаналық клуб КХЛ-дегі тоғызыншы жеңілісін тіркеді.
28 ақпанда "Барыс" сырт айдында Тольяттидің "Лада" командасымен кездеседі.
"Металлург" (Магнитогорск, Ресей) — "Барыс" (Астана, Қазақстан) 4:1 (1:0, 2:0, 1:1)
Шайбалар:
1:0 — 18:56 Вовченко (Петунин, Канцеров) — көпшілікпен ойында
2:0 — 31:55 Пресс (Рендулич, Зернов) — тең құрамда
3:0 — 33:01 Осипович (Зернов) — тең құрамда
4:0 — 42:57 Джонсон (Петунин, Пресс) — көпшілікпен ойында
4:1 — 57:42 Симонов (Кайыржан, Хохлов) — тең құрамда
