Астаналық "Барыс" Хабаровск қаласында "Амурға" қарсы ҚХЛ чемпионатының кезекті матчына шықты.
Аутсайдерлер арасындағы бұл кездесу Қазақстан клубының ірі жеңілісімен аяқталып, мұз айдынында жаппай төбелес болды.
Бірінші кезеңді "Барыс" сәтсіз бастады. Ойын басталғаннан-ақ алаң иелері өздерінің басымдығын көрсетті. 50-ші секундта Олег Ли есеп ашты, ал 11-минутта "Амур" қатарынан үш шайба соғып, 3:0 есебімен алға шықты.
Екінші кезеңде Олег Ли дубль жасап, есепті 4:0-ге жеткізді. Осыдан кейін Темірлан Гайтамиров қарсыласымен қақтығысып, жаппай төбелес басталды. Көп ұзамай Роман Старченко есеп айырмасын қысқартты (4:1).
Қайыржан Дінмұхамед үшінші кезеңде "Барыстың" екінші шайбасын соқты (4:2). Бірақ 57-минутта Олег Ли хет-трик авторы атанып, 5:2 есебімен "Амур" жеңіске жетті.
"Барыс" 17 наурыз күні тағы да Хабаровскте "Амурға" қарсы жауапты матч өткізеді.
"Амур" (Хабаровск) — "Барыс" (Астана, Қазақстан) 5:2 (3:0, 1:1, 1:1)
