Әйгілі қазақстандық боксшы, үш дүркін әлем чемпионы Назым Қызайбай өз өнерімен тек бокста емес, футбол алаңында да таңдай қақтырды.
Қазақстан әйелдер құрамасының капитаны өзінің Instagram парақшасында ерекше видео жариялады. Онда Назым бірнеше футбол финттерін орындап, допты керемет бақылауда ұстайтынын көрсетті.
Оның шеберлігіне таңғалған бейнебаянда беймәлім комментатор:
“Ё-моё, қолынан бәрі келеді! Өзі аспаз!” – деп сүйсініс білдірді.
Еске сала кетейік, Назым Қызайбай — қазақстандық бокстың тарихындағы тұңғыш әрі жалғыз үш дүркін әлем чемпионы. Бұл тарихи жетістікке ол Сербияның Ниш қаласында өткен әлем чемпионатында алтын медаль жеңіп алған соң қол жеткізді.
