Милад Карими Каирде өткен Әлем кубогында екінші алтын медаль жеңіп алды

Нұрғалиева Сая

Редактор Penalty.kz

Бүгін, 18:32

Қазақстандық гимнаст Милад Карими Каирде (Египет) өткен гимнастикадан Әлем кубогының кезеңінде екінші мәрте алтын жүлдеге ие болды.

vesti.kz

Финалдық бәсекеде Карими белтемірдегі жаттығуларда ең жоғары ұпай жинап, қарсыластарынан озып шықты. Ол өз бағдарламасын мінсіз орындап, төрешілерден 14,466 ұпай алды.

Жүлдегерлер тізімі:

2-орын — Мариос Георгиу (Кипр) — 14,066 ұпай.
3-орын — Ноэ Сейферт (Швейцария) — 13,866 ұпай.

Айта кетейік, бұған дейін Милад Карими еркін жаттығуларда да алтын медаль жеңіп, жалпы есепте Әлем кубогының жеңімпазы атанды. Осылайша, оның еншісінде қазіргі таңда Әлем кубогының алты алтын медалі бар.