Алматыда Амангелді Сейітханды еске алуға арналған шағын футболдан республикалық турнир мәреге жетті. Тартысты додадаға ел аймақтарынан келген қаламы жүйрік журналистерден құралған 14 команда қатысты.
Журналистер арасындағы футбол турнир жыл сайын Амангелді Сейітханның туған күні қарсаңында өтеді. Мамыражай уақытта дүниеге келген арда азаматты әріптестері, ұстаздары мен артынан ерген інілері ерекше сағынышпен еске алды. Аяулы әріптесіміз 2021 жылы 52 жасында өмірден өтті.
Дәстүрлі турнир биыл бірінші рет чемпиондар лигасының форматында өтті. Әлемдік үрдіске сай әр команда үш ойыннан өткізіп, жоғары ұпай жинағаны жүлдеге таласты.
“Алыстан ат терлетіп келген командаларға риашылығым мол. Дәл осындай ағалар тұрған кезде, дәл осындай ұжым тұрған кезде меніңше бұл турнирдің брендке айналары бұл кәміл сенім. Және соған келе жатырмыз деген ойдамын жалпы. Кейін де өзінің жалғасын таба береді деген ойдамын”, – Аман ағаның ұлы Бекасыл Амангелдіұлы.
Турнир нәтижесінде Қызылорданың “Ақмешіт” командасы бірінші орынды иемденді. “Күміс” тараздық журналист-футболшыларға бұйырса, үздік үштікті астананың “Қазмедиа” ұжымы түйіндеді.
