Алматы облысында ересектер арасында нысана көздеу бойынша Қазақстан чемпионаты күтпеген нәтижемен аяқталды. Токио Олимпиадасының жүлдегері Александра Ле "алтыннан" айырылып, екінші орынға тұрақтады.
Жарыстың басты сенсациясы — әйелдер арасындағы 10 метрлік пневматикалық винтовкамен ату сайысында тіркелді. Бұл бағдарламада шымкенттік Елизавета Безрукова топ жарып, алтын медальға ие болды:
Олимпиада және Азия ойындарының жүлдегері Александра Ле небәрі 1 ұпай айырмасымен қарсыласына жол берді.
Тағы бір тартысты сайыс — 25 метрлік тапаншамен ату жарысы болды. Мұнда да Шымкент спортшылары көш бастады:
Екі алтын медаль арқасында Шымкент жалпы есепте Алматыны басып озып, көштің тізгінін алды.
Чемпионатқа еліміздің 8 өңірінен 170-ке жуық мерген қатысуда. Осы жарыстың қорытындысы бойынша ұлттық құрама жасақталып, тамыз айында Шымкентте өтетін Азия чемпионатына қатысады.
Еске сала кетейік, Александра Ле — Париж-2024 Олимпиадасының қола жүлдегері және 2022 жылғы Азия ойындарының жеңімпазы. Ол 10 метр қашықтықтағы пневматикалық винтовкамен аралас жұптық жарыста ел намысын қорғап, биік тұғырдан көрінген болатын.
