Тарих жазған қос волейболшы: Азияның алтын жүлдесі Қазақстанға бұйырды

Таиландтағы триумф

Клим Рюхов пен Владислав Мастихиннен құралған Қазақстанның бірінші ерлер жұбы топтық кезеңнен екінші орынмен шығып, плей-офф кезеңінде қарсыластарын бірінен соң бірін тізе бүктірді. 

• 1/8 финал: Жаңа Зеландия — 2:0 (21:11, 21:16)
• 1/4 финал: Қытайдың екінші жұбы — 2:0 (29:27, 32:30)
• Жартылай финал: Таиландтың бірінші жұбы — 2:1 (18:21, 21:11, 16:14)

Финалда қазақстандық спортшыларға Қытайдың бірінші мықты жұбы қарсы тұрды. Бірақ Рюхов пен Мастихин бұл сында да еш мүмкіндік қалдырмай 2:0 есебімен (21:19, 21:16) Азия чемпионатының алтын жүлдесін иеленді.

Клим Рюхов — тұрақты нәтиже иесі

Айта кетейік, бұл Клим Рюховтың жастар деңгейіндегі алғашқы табысы емес. Ол 2019 жылы Азия чемпионатында қола, 2023 жылы күміс медаль жеңіп алған . Соңғы жетістікке ол Ивайло Тодоровпен бірге жеткен.

Алда әлем чемпионаты

Азия чемпионатының финалистері ретінде Рюхов пен Мастихин қазан айында Мексикада өтетін U21 әлем чемпионатына жолдама алды. Бұл – жаңа халықаралық деңгейдегі сынақтың бастауы.

Қалған жұптар үшін турнир ерте аяқталды

Қазақстанның екінші ерлер жұбы – Даниил Сороковский мен Әлихан Ағабек топтық кезеңнен шыға алмады.

Қыздар арасындағы бірінші жұп – Надежда Иванченко мен Гаянэ Галаш 1/8 финалда Жаңа Зеландиядан жеңілді.

Екінші қыздар жұбы – Кристина Каримова мен Екатерина Рюхова топтан аса алмады.