"Қайрат" футзал клубы жаңа маусымға жаңа бас бапкермен кіріседі. Команданы бразилиялық маман Даниэль Жуниор басқармақ. Бұл туралы клубтың Instagram парақшасында ресми жарияланды.
Даниэль Жуниор бұған дейін Бразилияның “Кампо Мурао” футзал клубы тізгінін ұстаған. Енді ол Алматы ұжымымен бірге жаңа мақсаттар мен жеңістерге ұмтылады.
Клуб басшылығы жаңа бапкерге сәттілік тілеп, бірлескен жұмыс жемісті боларына сенім білдірді.
Осыған дейін «Қайратты» испан маманы Марлон Веласко жаттықтырған еді. Оның жетекшілігінде алматылықтар бірқатар маңызды жетістіктерге қол жеткізді.
