Спортшы Denis Ten Memorial турнирінде өнер көрсете алмайтын болды.
Қазақстандық мәнерлеп сырғанаушы, Олимпиада-2026 жолдамасының иегері Софья Самоделкина жарақат алып, жоспарларын өзгертті.
Самоделкина 1–4 қазан аралығында Алматыда өтетін Denis Ten Memorial турнирінде өнер көрсетуі тиіс болатын. Алайда ол жарақатына байланысты бұл жарысқа қатыса алмайтынын ресми түрде хабарлады.
«Достар, өкінішке қарай, жарақатыма байланысты Denis Ten Memorial турнирінде өнер көрсете алмаймын. Барлықтарыңызға қолдау үшін алғыс айтамын», — деді спортшы әлеуметтік желідегі жазбасында.
Айта кетейік, Софья Самоделкина 2026 жылы қысқы Олимпиадада Қазақстан намысын қорғайды.
