Қазақстанның спорт инфрақұрылымындағы ең ірі нысандардың бірі — «Барыс Арена» мұз сарайын күтіп ұстауға және капиталдық шығындарға алдағы бес жылда шамамен 41 млрд теңге жұмсалмақ.
KazTAG агенттігінің жазуынша, 22 қазанда таныстырылған бюджет жобасында көрсетілген мәліметтерге сәйкес, мемлекеттік қаржы келесідей бөлінеді:
Жалпы алғанда бұл кезеңде мемлекет тарапынан 41 миллиардқа жуық теңге жуық жұмсалуы жоспарланып отыр.
Құжатта бұл қаражат мемлекеттік инвестициялық жобалар шеңберінде «Барыс Арена» көпфункционалды мұз сарайын сенімгерлік басқару объектісінің капиталдық шығындарын өтеуге бағытталатыны жазылған.
Яғни бұл — нысанды ұстау, жөндеу және техникалық қызмет көрсетуге кететін шығындар.
Қазір «Барыс Арена» «Mtex Management» ЖШС сенімгерлік басқаруында. Бұған дейін аталмыш компанияның аты бірнеше даулы жағдайға байланысты аталған.
Мәселен жыл басында БАҚ-та «Астана Арена» мен «Алау» стадиондарының жөндеу жұмыстарына 20,9 млрд теңге сұралды деген ақпарат шыққан соң, «Mtex Management» бұл мәліметті жалған деп атап, KazTAG-ке сотқа дейінгі талап қойған.
Алайда журналистік материал ресми қаржылық құжаттарға сүйеніп жазылған еді. Бұл жағдайға байланысты Туризм және спорт министрлігі де түсініктеме беріп, «құжаттағы ақпарат «жалған» деп айтуға болмайды» деген ұстаным білдірген.
Сол уақытта Бәсекелестікті қорғау және дамыту агенттігі де «Mtex Management» компаниясына қатысты зерттеу бастаған. Себебі ұйым астаналық үш спорт нысанын — «Астана Арена», «Барыс Арена» және «Алау» кешендерін бір мезетте басқаруы нарықтағы монополиялық тәуекелдер туғызуы мүмкін деген пікір айтқан.
