Сауд Арабиясының Эр-Рияд қаласында жалғасып жатқан Ислам ынтымақтастығы ойындарында Қазақстан үстел теннисі тарихындағы маңызды сәттердің бірі тіркелді.
Эр-Риядта өтіп жатқан Исламиада-2025 ойындарында Қазақстан құрамасының көшбасшысы Кирилл Герасименко финалда мықты қарсыласын ойсырата жеңіп, елге алтын медаль сыйлады.
Ұлттық құраманың жетекші ойыншысы Кирилл Герасименко Исламиада-2025 чемпионы атанды. Финалда ол Египеттің тәжірибелі спортшысы Омар Мұхамед Асарды сенімді түрде жеңді.
Матч өте тартысты өтті. Герасименко алғашқы ұпайлардан-ақ агрессивті тактикаға көшіп, үстелді толық бақылауда ұстады. Ол қарсыластың жылдам шабуылдарын тоқтатты, допты жоғары дәлдікпен қайтарды, шешуші сәттерде суыққанды болып қалды.
Үшінші партияда Асар ойынға қайта оралмақ болды, бірақ Кирилл төртінші сетте мінез көрсетіп, тартысты 13:11 есебімен өз пайдасына шешті.
Бесінші сетте қазақстандық ойыншы қарсыласына еш мүмкіндік бермей, матчты 4:1 есебімен аяқтады:
11:5, 11:8, 6:11, 13:11, 11:3.
