Таразда футзалдан Қазақстан кубогының финалында «Семей» мен «Ақтөбе» командалары бақ сынасты.
Финал қорытындысында «Семей» қарсыласын 5:2 есебімен ұтып, турнирдің бас жүлдесін иеленді.
Ойынның 5-минутында Дедезиньо есеп ашса, 13-минутта бразилиялық легионер тағы бір гол соқты. Бірінші тайм аяқталар тұста «Семей» қысқа уақыт ішінде екі рет мергендік танытты. 20-минутта Габриэль Кандидо көзге түссе, артынша Лео Игита да қарсылас қақпасынан саңылау тапты.
Екінші таймда «Семей» шабуылын бәсеңдетпей, 24-минутта бесінші голын соқты. Бұл жолы Марсело Аугусто дос Сантос нәтижелі соққы жасады.
«Ақтөбе» тек 33-минутта есеп айырмасын қысқартты. Егор Нулет гол авторы атанды. Ал 35-минутта Қайрат Иманалин пенальтиді сәтті орындады.
Осылайша, финалда ірі есеппен жеңіске жеткен «Семей» Қазақстан кубогын жеңіп алды.
