Түнгі тартыс: "Қайрат" Испанияда камбэк жасай ала ма?

6 наурыздан 7 наурызға қараған түні Испанияның Картахена қаласында футзалдан УЕФА Чемпиондар лигасының ширек финалындағы қарымта матч өтеді. Бұл кездесуде жергілікті "Картахена" клубы алматылық "Қайратты" қабылдайды.

Матчтың тікелей трансляциясы

"Картахена" – "Қайрат" кездесуі Қазақстан уақыты бойынша 00:30-да басталады. 

Сарапшылардың болжамына сәйкес, бұл ойында испаниялық клуб фаворит саналады.

Бірінші матчтың нәтижесі

Еске сала кетейік, командалар арасындағы алғашқы ойын Алматыда өткен болатын. Сол кездесуде "Қайрат" 1:2 есебімен жеңіліп қалды.

• 21-минутта Томас Браганың автоголы нәтижесінде алматылықтар есеп ашты. 
• 25-минутта Дарио Хиль мен Жуниньо небәрі 10 секундтың ішінде екі гол соғып, матч тағдырын шешті.

Командалардың плей-оффтағы жолы

Чемпиондар лигасының плей-офф кезеңінде:

• "Қайрат" бельгиялық "Андерлехтті" екі матчтың қорытындысы бойынша 12:6 есебімен жеңді.
• "Картахена" мальталық "Сент-Эндрюсті" 14:2 есебімен ойсырата ұтты.