Қазақстандық триатлоншы Азия кубогын жеңіп алды

Дарын Қонысбаев қарсыластарын басып озды

Дарын Қонысбаев жарыс қашықтығын 1 сағат 00 минут 49 секундта бағындырып, үздік нәтиже көрсетті. Екінші орынды ресейлік Григорий Антипов иеленді. Оның нәтижесі – 1:01:01. Қола жүлде тағы бір ресейлік триатлоншы Алексей Петровскийге бұйырды – 1:01:17.

Осылайша Қонысбаев күміс жүлдегерден 12 секунд бұрын мәреге жетіп, Азия кубогының жеңімпазы атанды.

Қазақстандық триатлоншылардың нәтижелері

Чолпон-Атадағы жарысқа Қазақстан атынан бірнеше атлет қатысты. Ерлер бәсекесінде Дарын Қонысбаевтан бөлек мына триатлоншылар сынға түсті:

Рамазан Айнегов – 20-орын;
Елмұрат Қанай – 25-орын;
Нұрасыл Сапарбек – 26-орын;
Федор Кузнецов – 30-орын;
Арсений Шевченко – 31-орын;
Матвей Шевнин – 35-орын;
Әлинаби Маралбеков – 40-орын.

Әйелдер арасында үздік нәтиже кімде?

Әйелдер сайысында Қазақстан құрамасынан ең жоғары нәтиже көрсеткен спортшы Алуа Нұрмұхамет болды. Ол жарысты 14-орынмен аяқтады.

Калерия Шнейдер 18-орыннан көрінсе, Арина Шульгина 19-сатыға тұрақтады. Рамина Агабаева 20-орынды, ал Вероника Иванюк 22-орынды иеленді.

Осылайша Қазақстан құрамасы Чолпон-Атадағы триатлоннан Азия кубогы кезеңін Дарын Қонысбаевтың алтын медалімен аяқтады.