Футзалдан әлем чемпионатының 1/4 финалында Қазақстан Аргентинадан 1:6 есебімен ұтылды.
Бүгін Ташкенттегі «Хумо-Аренада» Қазақстан мен Аргентина құрамалары әлем чемпионатының 1/4 финалында жолығып, жартылай финал жолдамасын сарапқа салды.
Бірінші таймда есеп ашылған жоқ. Екі команда бір-бірінің қақпасын бірнеше рет нысанаға алғанымен, доп қақпа торынан табылмады.
Екінші таймда аргентиналықтар бірден есеп ашты. Көп ұзамай Клаудиньо қорғаныстағы қателікті тиімді пайдаланып, есепті еселей түсті. Артынша Қазақстан қақпасына үшінші гол соғылды.
Қазақстан сапынан Дәурен Тұрсағұловтың бір голдың авторы атанғаны болмаса, отандастарымыз қарсыластың екпініне шыдай алған жоқ. Қорытынды есеп – 1:6
Енді Аргентина құрамасы жартылай финалда Франциямен кездеседі.
