Бұл туралы испан басылымдары хабарлады.
Мадридтік «Атлетико» клубы өз стадионының атауын өзгертпек. Испаниялық БАҚ өкілдері жуырда осындай хабар таратты.
«Атлетико» стадион атауын 2033 жылға дейін саудиялық Riyadh Air әуе компаниясына сатып жіберген. Бұл келісімнен клуб 250-ден 300 миллион еуроға дейін пайда табады.
Стадионның жаңа атау «Riyadh Air Метрополитано» болады.
Естеріңізге сала кетейік, бұған дейін стадионның атауы қытайлық Wanda компаниясы мен испандық Cívitas құрылыс компаниясына сатылған болатын.
Қазіргі уақытта «Атлетико» Ла Лиганың турнирлік кестесінде 17 ұпаймен үшінші орында келеді.
