Астана қаласының прокуратурасы бюджет қаражатын қолды қылмақ болғандарды әшкереледі.
Астана қаласы Есіл ауданының прокуратурасы мемлекеттік сатып алу сомасын негізсіз асыра бағалау дерегін анықтады.
Жергілікті атқарушы орган 446 миллион теңгеден астам сомаға республикалық және халықаралық жарыстарға шайбалы хоккей командаларын дайындау және қатысу үшін мемлекеттік сатып алу конкурсын жариялаған. Конкурстық құжаттаманы зерделеу барысында 117 миллион теңгеге асыра көрсетілгені анықталған.
Қадағалау актісі негізінде конкурстың күші жойылып, бюджет қаражатын негізсіз жұмсауға тосқауыл қойылды.
