Ағылшындық бұрынғы кәсіби футболшы Джоуи Бартон атақты Herbalife брендінің тағамдық қоспаларын жарнамалағаны үшін Криштиану Роналдуды сынап тастады, деп хабарлайды Penalty.kz
«Әл-Наср» шабуылшысы Herbalife Formula 1 протеиндік коктейлін жарнамалаған жазбаны әлеуметтік желіге жариялағаннан кейін, оған «Манчестер Сити» командасының бұрынғы жартылай қорғаушысы Бартон пікір білдірді.
«Бұл — ештеңеге тұрғысыз, сен де мұны білесің. Балаларды осындай қоспаларды тұтынуға шақырудың не қажеті бар, сен онсыз да жеткілікті ақша таппадың ба?» — деп жазды ағылшындық.
Роналдудың жарнамадағы ықпалы кеңге танымал. Барлығы 2022 жылғы әлем чемпионатында оның Coca-Colaгазды сусынын баспасөз конференциясынан алып тастап, орнына су қойғанын еске алады. Нәтижесінде, бұл оқиға компания акцияларының құлдырауына және өнімге сұраныстың уақытша азаюына әкелген болатын.
Herbalife тағамдық қоспаларын жарнамалаған жазба компанияға миллиондаған табыс әкелуі мүмкін, бірақ Бартонның айтуынша, маңызды сұрақ — бұл өнімдерді Роналдудың өзі тұтына ма, әлде жоқ па.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
