Еліміздегі 46 ипподромның 5-і ғана халықаралық талаптарға сай

Қазақстанда қағаз жүзінде 46 ипподром бар. Ал, халықаралық не республикалық жарыстар өткізуге оның 5-еуі ғана қолдылады. Қалғандары тиісті талаптарға сай емес. Мұндай қорытындыны спортқа жауапты министрлік жанындағы жұмыс тобы шығарды. 

Өңір-өңірді аралаған мамандар ұлттық спорттардың деңгейін бағалап, қордаланған мәселелерді көтерді. Жабық спорт кешендерінде өтетін қазақ күресі, асық ату, тоғызқұмалақ сияқты бағыттардың дамуы, салыстырмалы түрде, жақсы. Ал, ат спорттарың алға жылжуына біраз кедергі бар. Жалпы ұлттық спорттарды дамыту жүйесіне үлкен өзгеріс қажет дейді Ұлттық және ат спорты түрлері орталығы өкілдері.