Биыл оған 92 елінен 471 атлет қатысып жатыр.
Бахрейн астанасы Манамада ауыр атлетикадан ересектер арасындағы әлем чемпионаты басталды. Жыл сайын дәстүрлі түрде ұйымдастырылатын жаһандық додаға биыл әлемнің 92 елінен 471 атлет келген. Олардың қатарында Қазақстан ұлттық құрамасының спортшылары да бар.
Манамадағы толағайлар тартысында ел намысын ерлер 10, әйелдер 5 салмақ дәрежесінде қорғайды. Былтыр Сауд Арабиясының Эр-Рияд қаласында өткен әлем чемпионатында 12 отандасымыз бақ сынап, бірде-біреуі жүлдегерлер қатарынан көріне алмады.
Ал 2022 жылы Колумбияның Богота қаласында өткен жаһандық додада жерлестеріміз бір күміс, бір қола медаль олжалап, жалпыкомандалық есепте 14-орынға тұрақтаған болатын.
