Гандболшыларымыз "қолаға" таласады
Нью-Делиде қыздар арасында гандболдан Азия чемпионаты өтіп жатыр.
Қазақстандық гандболшылар бүгін жартылай финалда Жапонияға 23:30 нәтижесімен есе жіберді.
Топтық кезеңде қыздарымыз Қытайды 28:26, Сингапурды 38:7 есебімен жеңген. Бірақ Оңтүстік Кореядан айласын асыра алмады.
Енді Қазақстан 10 желтоқсанда қола медаль үшін Иранмен кездеседі.
Сол күні финалда Оңтүстік Корея мен Жапония шеберлік байқасады.
Гандболдан Қазақстан әйелдер құрамасы 2002, 2010 жылдары Азия чемпионы атағын жеңіп алса, 2021 жылы қола жүлде еншіледі.
Бұл туралы не ойлайсыз?
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.