Алеппода орналасқан елдің ірі стадионында өрт тіркелді, деп хабарлайды Al Watan газеті.
Алдын ала белгілі болғандай, стадионда өрт қасақана қойылған. Сириялық азаматтық қорғаныс мүшелерінің күшімен тілсіз жау толық сөндірілді.
Алепподағы халықаралық стадион 2007 жылы тұрғызылды. Сыйымдылығы 75 мың көрерменге есептелген. Аренада 2011 жылға дейін жергілікті "Әл-Иттихад" командасы ойнап келді. Сонымен қатар футболдан Сирия ұлттық құрамасы да халықаралық матчтарын осында өткізген. Спорт нысанында футбол кездесулерінен бөлек өзге де турнирлер, соның ішінде жеңіл атлетикадан жарыстар ұйымдастырылып келді.
