Алматыда 20 жастағы кәсіби спортшы Әли Серік мерт болды.
Алматыдағы Наурызбай ауданында қайғылы оқиға болды. Кәсіби спортшы Әли Серік өлтірілді.
Полицейлердің мәлімдеуінше, екі таныс арасында жанжал туындап, кейін бірі пышақ қолданған. Күдікті ізін суытпай қолға түсіп, суық қару тәркіленді. Қазір аталған іс бойынша қылмыстық іс қозғалып, күдікті уақытша тергеу изоляторына қамалды.
Әли Серік көпшілікке 17 жасында тай боксынан әлем чемпионы атануымен танымал. Ол 2023 жылы мәртебелі ONE FC ұйымымен келісімшартқа отырды. Дебютті жекпе-жегін Бангкоктағы Lumpinee Stadium-де қытайлық Хо Сяолунумен өткізді. Сол кезде қарсыласына бірінші раундта нокаутпен жеңілді.
