Даңқты баскетболшы 40-тан асса да, әлі де ешкімге дес бермей келеді.
"Лос-Анджелес Лейкерс" шабуылшысы Леброн Джеймс НБА тарихында болмаған жетістікке жетті. Ол бір кездесуде 35+ ұпай жинаған және кемі бес рет үш ұпайлық соққы жасаған 40-тан асқан алғашқы баскетболшы атанды.
Даңқты ойыншы бұл жетістікке жуырда "Портленд Трэйл Блэйзерске" (114:106) қарсы өткен кездесуде қол жеткізді. Аталған ойында Леброн 38 ұпай жинап, 7 мәрте үш ұпайлық соққының авторы атанды.
Айта кетейік, желтоқсанның соңында форвард 40 жасқа толған еді.
