Бокстан Қазақстан ұлттық құрамасының бас бапкері Қайрат Сәтжанов Асланбек Шымбергенов пен Қамшыбек Қоңқабаевтың командадағы болашағына қатысты пікір білдірді.
Бұл туралы Sports.kz сайты жазады.
"Әзірге Асланбек Шымбергенов пен Қамшыбек Қоңқабаевқа қатысты жағдай түсініксіз. Егер 13 қаңтарда оқу-жаттығу жиынына келмесе, олар ұлттық құрамадағы мансабын аяқтауы мүмкін деп ойлаймын. Ал егер келсе, жұмысты әрі қарай жалғастырамыз", - деді Қайрат Сәтжанов.
Сондай-ақ бас бапкер Қайрат Сәтжанов шәкірттерінің кәсіпқой боксқа қадам басуына қатысты өз ойын айтты.
"Егер бұл біздің құраманың ресми жарыстарға дайындалуына кедергі келтірмесе, біз оларға жарыстарға қатысуға рұқсат береміз. Сондай-ақ олардың жарыстарға қатысуы бапкерлер құрамының келісімімен жүзеге асады", - деді Қайрат Сәтжанов.
Қайрат Сәтжанов боксшы Нұрбек Оралбайдың қатарға қайта оралуы және алдағы ірі жарыстарға дайындық жоспарлары туралы айтқан болатын. Айта кетейік, былтыр жазда өткен Париж Олимпиадасында Асланбек Шымбергенов (71 кг) пен Қамшыбек Қоңқабаев (+92 кг) алғашқы айналымда жеңіліс тапқан болатын.
Қамшыбек Қоңқабаев 2021 жылы Токиода өткен Олимпиада ойындарында қола медаль еншілеген. Сондай-ақ ол әлем чемпионатында екі рет күміс иеленсе (2017, 2019), Азия чемпионатында үш мәрте күмісті қанжығасына байлаған (2017, 2019, 2021).
Асланбек Шымбергенов 2022 жылы Амманда өткен Азия чемпионатында алтын медаль иеленді. Ал 2023 жылы Ташкентте өткен әлем чемпионатында жеңімпаз атанды.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
