Хабиб Нурмагомедов бортсерікпен сөзге келіп қалғаны үшін рейстен түсірілді.
Essentially Sports мәліметінше, American Airline әуе компаниясына тиесілі ұшақтың ұшар алдында бортсерік төтенше жағдайда шығатын орын маңайына жайғасқан Хабибтен басқа жерге ауысуын өтінген. Нурмагомедов бұдан бас тартып бортсерік әуе компаниясы қызметкерін шақыруға мәжбүр болған. Ал ол өз кезегінде ақырында спортшыны рейстен шығарып тынған.
Әлеуметтік желіде жарияланған видеода бортсерік қыз Нурмагомедовке апаттық жағдайда шығу есігі маңына отырғызуға рұқсат бере алмайтынын түсіндіріп, өзін тыңдамаған жағдайда рейстен шығаратынын айтады.
"Бұл әділетсіздік қой. Мен анда-мында ауысып жүре алмаймын", – деп жауап берді спортшы.
