Көркем гимнастикадан Қазақстан құрамасының көшбасшысы Елжана Таниева спорттық мансабын аяқтады.
Таниева бұл туралы Instagram әлеуметтік желісіндегі парақшасында мәлім етті.
Өзінің спорт залына алғаш төрт жасында барғанын айта келіп, гимнастиканың өмірінің ажырамас бөлігіне айналғанын жеткізді. Қуанышты сәттермен қатар кедергілердің де болғанын айтқан спортшы өз бапкерлеріне алғысын білдірді. Әсіресе, Әлия Юсупованың екінші анасына айналғанын атап өтті.
Елжана Азияның үш дүркін жеңімпазы, Азия ойындарының екі күміс иегері, Марбельядағы Гран-при жарысының алтын жүлдегері және әлем кубогының жүлдегері саналады.
