Сённерборг қаласында футзалдан Еуропа чемпионатының іріктеу турнирі аясында Дания мен Қазақстан құрамасы кездесті.
Бұл ойында Қазақстан құрамасы айқын фаворит есептелген. Бірақ 3:2 есебімен жеңіліп қалды. 27-минутта Адам Фогт даниялықтарды алға шығарды. Қазақстандықтар 31-минутта қақпашы Нарын Серіковтың арқасында таразы басын теңестіріп кетті. Кейін алаң иелері тағы екі доп соқты. Мохаммед Юссеф дубль авторы атанды. Ал 40-минутта Дәурен Тұрсағұлов кездесуді қорытындылады.
Осылайша үш ойыннан кейін Қазақстан құрамасының қоржынында төрт ұпай бар. Кака шәкірттері бұған дейін іріктеу науқанында сырт алаңда Албаниямен (2:0), кейін Алматыда Армениямен (4:4) ойнады. Ал Дания құрамасының еншісінде үш ұпай.
