Бүгін, 11 ақпанда, Қазақстан құрамасы Қытайдың Харбин қаласында өтіп жатқан қысқы Азия ойындарында екі алтын медаль жеңіп алды.
Фристайл-акробатикадан Роман Иванов пен Шерзод Хаширбаев синхронды секіру сайысында топ жарып, жарыс жеңімпаздары атанды. Ал биатлондағы спринт жарысында Владислав Киреев алтын медаль иеленді.
Осылайша, Қазақстанның Азия ойындарындағы медаль саны 13-ке жетті: 3 алтын, 6 күміс және 4 қола. Бұл көрсеткіш бойынша еліміз жалпыкомандалық есепте төртінші орында тұр. Қытай 69 медальмен (27 алтын, 23 күміс, 20 қола) көш бастап келеді. Екінші орында Оңтүстік Корея – 34 медаль (12-12-11), ал үздік үштікті Жапония 20 жүлдемен (5-6-10) түйіндеп тұр.
Айта кетейік, Азия ойындары-2025 жарыстары 14 ақпанға дейін жалғасады.
