Мергендер Азия Кубогында көш бастады

Нысана көздеуден Азия Кубогы Бангкок қаласында өтіп жатыр. Қазақстандық спортшылар жарыстың көшбасшысына айналып, 14 медаль еншіледі. Қазір екінші орынға үш алтын медальмен Сингапур құрамасы жайғасқан.  

Биылғы жарысқа 23 елден 320-дан астам спортшы қатысып жатыр. Турнир 22 ақпанда аяқталады.  

Еске сала кетейік, Париж Олимпиадасының қола жүлдегерлері Ислам Сәтпаев пен Александра Ле 10 метр қашықтыққа пневматикалық винтовкадан аралас команда арасында үздік нәтиже көрсетіп, Қазақстан қоржынына медаль салған болатын.