Әлемдік футбол жұлдызы Криштиану Роналдудың жеке ұшағы техникалық ақау салдарынан Манчестер әуежайында тұрып қалды.
Атақты португалиялық футболшыға тиесілі Bombardier Global Express 6500 ұшағының құны 61 миллион фунт стерлинг (шамамен 38 миллиард теңге). Әуе кемесі 14 ақпан, жұма күні Манчестерге қонуға мәжбүр болды. Бірақ Роналдудың бұл қалаға не үшін келгені белгісіз және бұл мәселе футбол жанкүйерлері арасында қызу талқылануда.
Ұшақтың ұшуына уақытша тыйым салынған, себебі оның бір терезесінде жарық байқалған. Инженерлер бұл ақауды анықтап, жөндеуге қажетті қосалқы бөлшекті күтуде. Ұшақтың қара түсті дизайнында Роналдудың жеңіс тойын бейнелейтін сурет пен CR7 логотипі бар.
Бұл сәнді әуе кемесі жақында "Манчестер Сити" командасының ұшағының жанында байқалды. Манчестерлік клуб дәл осы күні Чемпиондар лигасының 1/8 финалындағы "Реалға" қарсы қарымта ойыны үшін Мадридке жол тартты.
Криштиану Роналдудың жеке ұшағы жөндеуден өткеннен кейін ғана ұшуын жалғастыра алады. Қазір уақытта инженерлер қажетті техникалық бөлшектің келуін күтіп отыр.
