Индонезиялық "Yogya Falcons" командасының қазақстандық волейболшысы Сәбина Алтынбекова әлеуметтік желідегі жаңа жазбасында өз ұлтын атады.
Алтынбекова Instagram парақшасында "Yogya Falcons" командасының матчы кезінде түсірілген бірнеше суретін жариялап, жазбаға қысқаша пікір қалдырды.
"Қазақ қызы", — деп жазды спортшы.
Айта кетейік, Сәбина Алтынбекова 2024 жылдың қазан айында" Yogya Falcons" клубымен келісімшартқа қол қойған болатын. Ал желтоқсанында ол команданың капитаны атанғанын мәлімдеді. Қазір спортшы өз клубының матчтарынан түсірілген фотосуреттерді әлеуметтік желіде тұрақты түрде бөлісіп келеді.
