Алматының "Қайрат" футбол клубының бақылау кеңесінің төрағасы Кайрат Боранбаевке қатысты қылмыстық істер толық жабылды.
Қаржы мониторинг агенттігі төрағасының орынбасары Жеңіс Елемесовтің айтуынша, Боранбаевқа қатысты тергеу жүргізу толық аяқталған, деп хабарлайды Press.kz.
"Қазір оның үстінен қылмыстық істер қозғалған жоқ. Барлық тергеу жүргізілген және жабылған", — деді Елемесов Мәжіліс кулуарында.
Бір жыл бұрын ҚМА Боранбаевтің мемлекеттік қаражатты жымқырып, салықтардан босау бойынша күдікке ілінгенін хабарлаған. Дегенмен, Елемесовтің айтуынша, барлық шығын орны толтырылғандықтан қылмыстық іс тоқтатылған.
Бұған дейін Мәжіліс депутаты Мұрат Әбенов Паралимпиада комитетінің президентін ауыстыру қажеттігін көтерген болатын. Себебі Боранбаев істі болған еді. Бірақ спорт министрі Ербол Мырзабосынов Паралимпиада комитетінің президенті ретінде Боранбаевқа ешқандай шағым жоқ екенін мәлімдеді.
