Ұлттық құрама мүшесі алдағы уақытта Антальядағы Әлем кубогында бақ сынайды.
20-22 наурыз аралығында Түркияның Анталья қаласында спорттық гимнастикадан Әлем кубогының кезеңі өтеді. Бұл жарыста төрт қазақстандық спортшы ел намысын қорғайды.
Париж ойындарының күміс жүлдегері Нариман Құрбанов та бұл жарысқа қатысады. Бұл оның Олимпиададан кейінгі алғашқы халықаралық бәсекесі болмақ.
Бұған дейін Германияның Котбус және Әзірбайжанның Баку қалаларында өткен жарыстарды жіберіп алды.
Дегенмен, Чехияда Әлем кубогына дайындық жұмыстарын жүргізді.
Енді Антальяда жылдың басты бәсекесінде жаңа нәтижелерді тіркеуді көздеп отыр.
