Швейцарияның Санкт-Мориц қаласында өтіп жатқан фристайлдан әлем чемпионатында Қазақстан құрамасының мүшесі Анастасия Городко ел қоржынына қола медаль салды.
Городко жеке параллель могул бағдарламасында жартылай финалға дейін жетіп, финал жолдамасынан айырылды. Бірақ жұбаныш финалда америкалық Кайли Кариотисті жеңіп, жүлделі үшінші орынға ие болды.
Бұл — Городконың ересектер арасында әлем чемпионатындағы екінші медалі. Ол алғаш рет 2021 жылы Алматыда өткен дүниежүзілік бәсекеде дәл осы параллель могул түрінен қола медаль иеленді.
Санкт-Морицтегі жарыста алтын мен күміс медальдарды америкалық спортшылар жеңіп алды:
Тағы бір қазақстандық фристайлшы Юлия Феклистова 1/16 финалда жарыс жолынан шығып қалды. Ал тәжірибелі спортшы Юлия Галышева жарысқа қатыспады. Ол ресми түрде турнирден бас тартты.
