Қазақстанның үздік мәнерлеп сырғанаушысы Софья Самоделкина Бостондағы әлем чемпионатындағы нәтижесіне көңілі толмағанын жасырмады.
Ресей құрамасынан Қазақстан атынан өнер көрсетуге ауысқан Софья Самоделкина әлем чемпионатында 181,36 ұпай жинап, 14-орынды иеленді. Спортшы бұл нәтижеге қатты ренжулі екенін Match TV-ге берген сұхбатында айтты:
“Қазір өзімді өте көңілсіз сезініп тұрмын. Себебі маусым бойы көп еңбек еттім. Бірақ соңғы каскад жоспардағыдай шықпады. Бұл маусым маған бапкерлерімнің кеңесіне бұрынғыдан да мұқият құлақ асу керектігін үйретті. Қазір мен АҚШ-қа көшіп келіп, Рафаэль Арутюнянмен толыққанды жұмыс істеп жатырмын. Ол маған өте ұнайды. Техникалық деңгейімді, секірулерімді жетілдіргім келеді. Алда Олимпиада маусымы, бұл – өте маңызды кезең”, – деді Самоделкина Goldenskate-ке берген пікірінде.
Әлем чемпионатының жеңімпазы атағына америкалық Алиса Лю ие болды — 222,97 ұпай. Күміс жүлде жапониялық Каори Сакамотоға бұйырса (217,98), қола медальді оның отандасы Моне Чиба (215,24) еншіледі.
