Kaspi.kz компаниясының тең иесі Михаил Ломтадзе Англиядан футбол клубын сатып алып, Қазақстандағы ең бай бизнесмендердің қатарынан көрінді. Оның байлығы 2025 жылы 5,9 миллиард долларға жетіп, Forbes рейтингі бойынша екінші орынға тұрақтады.
Forbes жариялаған жаңа 2025 жылғы рейтингке сәйкес, Kaspi.kz директорлар кеңесінің төрағасы әрі акционері Вячеслав Ким Қазақстандағы ең бай адам атанды. Оның байлығы 7,1 миллиард доллар (2024 жылы — 5,8 млрд). Бұл көрсеткіш оның әлемдік миллиардерлер тізімінде 511-орыннан 464-орынға көтерілуіне мүмкіндік берді.
Михаил Ломтадзе ағылшын футбол клубын сатып алып қана қоймай, шетелдегі қазақстандық футболшылардың дамуына да қолдау көрсетіп жүр. 2025 жылы оның капиталы 5,9 миллиард долларға жетіп, былтырмен салыстырғанда 700 миллион долларға артты. Осы арқылы Ломтадзе Forbes-тің жаһандық рейтингінде 597-орынды иеленді.
Kaspi.kz иелері елдегі ең ауқатты адамдар қатарында өз орнын нық сақтап келеді. Цифрлық экожүйесімен танымал компания енді халықаралық спорт саласына да қадам жасап, Қазақстанның жаһандық имиджіне өз үлесін қосып келеді.
