Даңқты боксшы, олимпиада чемпионы Бекзат Саттархановтың туғанына 45 жыл толуына орай жинақ жарық көрді
Кітапқа 2000 жылдан бастап бүгінге дейін Бекзат жайлы өлең мен әндер, күйлердің ноталары енген. Қазақтың қайсар ұлының қысқа ғұмыры мен жарқын жеңістері баяндалған. Қысқасы бұл жинақ саңлақ боксшы жайлы кішігірім энциклопедия іспетті.
Кітаптың тұсаукесері Түркістандағы оқушылар сарайында өтті.
“Бекзат ағамыздың есімін түркі әлеміне дәріптеу үшін, таныту үшін біз қолымыздағы кітаптың түрікше нұсқасын дайныдап жатырмыз. Оны Түркияның Анкара қаласындағы Еуразия Жазушылар Одағының “BENGU” баспасынан шығаруды жоспарлап отырмыз. Жазға дейін екінші кітапты басып шығарамыз. Одан бөлек қолымызда Бекзат Саттархановқа арналған жүзге жуық өлең бар. Сол өлеңдердің барлығын жинап тағы бір “Ер Бекзатын жырлайды елі” деген атпен жеке жинақ шығарсақ деген ойымыз бар”, дейді жинақты құрастырушы Ержан Арғынбаев
