Перизат Қайрат ісі бойынша тергеу аяқталды

Тергеу ресми түрде аяқталды

“Иә, расында да, Перизат Қайратқа қатысты қылмыстық іс аяқталды. Қазір процестің қатысушылары іспен танысу кезеңінде. Келтірілген залал сомасы 3,5 млрд теңге көлемінде белгіленді”, – деді Елемесов.

Үш бірдей эпизод бойынша алаяқтық айыбы тағылды

Тергеу барысында Қайраттың үш түрлі қайырымдылық бағыты бойынша қаражат жинағаны анықталды:

• реабилитациялық орталық салу;
• Палестина халқына көмек;
• су тасқыны салдарын жою.

Бірақ барлық үш бағыт бойынша қаражаттың мақсатсыз пайдаланылғаны белгілі болды. Барлығы ҚР ҚК 190-бабы – “Алаяқтық” бойынша қарастырылуда.

Заңсыз табыс пен оны жасыру тәсілі

Жеңіс Елемесов Перизат Қайраттың заңсыз табысты заңдастыру әрекеттеріне де тоқталды. Ол қылмыстық жолмен алынған ақшаны “Rebel flowers” гүл дүкеніне инвестиция салу арқылы қоғам алдында өзін кәсіпкер ретінде көрсеткісі келген.

“Бұл – заңсыз жолмен алынған табысты активтерге интеграциялау әрекеті. Перизат Қайрат бұл дүкен арқылы өзін бизнес-леди ретінде танытқысы келді”, – деді агенттік өкілі.

Айып тағылған тағы бір тұлға – Перизаттың анасы

Тек Перизат Қайрат қана емес, оның анасы да жауапқа тартылады. Ол ҚР ҚК 190 және 218-баптары – “Алаяқтық” пен “Қылмыстық жолмен алынған табысты заңдастыру” бойынша айыпталуда. Оған қатысты бұлтартпау шарасы ретінде үйқамақ белгіленген.

Перизат Қайрат ісінің хронологиясы

• 2023 жылдың қарашасында Перизат Қайраттың 1,5 млрд теңгені мақсатсыз пайдаланғаны белгілі болды.
• ҚМА оның қаражатты жеке мүлік пен сән-салтанатқа жұмсағанын растады.
• “Biz Birgemiz” қоры назарға ілініп, Amanat партиясы қордың өздеріне қатысы жоқ екенін мәлімдеді.
• Қайрат параүстел теннисі федерациясының президенті қызметінен босатылды.
• 2025 жылдың ақпанында жаңа эпизод тіркелді – қайырымдылық аукционы арқылы мүгедек балаларды пайдалану фактісі анықталды.
• Наурызда “Biz Birgemiz Qazaqstan 2030” қоры мәжбүрлі түрде таратылды.

Алынған мүліктің тағдыры – сот шешімінде

Журналистер тарапынан алынған зергерлік бұйымдар мен басқа да мүліктің болашағы туралы сұрақтар қойылды. Елемесов бұл мәселемен сот айналысатынын, ал мүлік:

• не жәбірленушілердің залалын өтеуге,
• не мемлекет кірісіне айналуы мүмкін екенін жеткізді.