UFC-де жеңіліс көрмеген қазақстандық жауынгер Шавкат Рахмонов пен Forbes тізіміндегі кәсіпкер Әлидар Өтемұратовпен бірге жаттығу өткізді.
Белгілі кәсіпкер Әлидар Өтемұратов әлеуметтік желіде Dar Team командасымен өткізген жаттығу видеосын жариялады. Кадрларда Шавкат Рахмоновтың спарринг арасындағы үзілісте Өтемұратовқа кейбір жекпе-жек әдістерін түсіндіріп, кеңес беріп жатқан сәттері көрінеді.
«Шавкат үйретіп жатыр», — деп жазды Өтемұратов өзінің Instagram парақшасында.
Әлидар Өтемұратов — Dar Team жобасының негізін қалаушы және Forbes Kazakhstan нұсқасы бойынша елдегі ең бай 75 адамның қатарына енген.
2024 жылғы мәліметке сәйкес, кәсіпкердің байлығы 161 миллион доллар деп бағаланған және ол рейтингте 59-орында тұр.
Ал Шавкат Рахмонов — қазір UFC ұйымында жеңіліссіз нәтиже көрсетіп келе жатқан қазақстандық файтер, ел мақтанышы және әлем аренасында танымал спортшы.
