Бұл туралы спортшы өз әлеуметтік желісінде жария етті.
Дзюдошы Елдос Сметов Париждегі 2024 жылғы Олимпиадада жеңіске жеткеннен кейін кәсіпкер сыйға тартқан Mercedes AMG GLE автокөлігін сатылымға қойды.
2024 жылғы Олимпиада чемпионы және Токио Олимпиадасының қола жүлдегері Елдос Сметов алтын медальдан кейін сыйға алған көліктерінің бірін сатуға шешім қабылдады. Спортшы Instagram парақшасындағы stories бөлімінде көліктің суретін жариялап, сатылатынын хабарлады.
Елдос Сметов көліктің бағасын 45 миллион теңге деп қойып, оны шұғыл түрде сататынын жазды. Сондай-ақ ол хабарландыруды дәстүрлі қазақ тілегімен аяқтады:
«Жұғысты болсын!»
Олимпиада чемпионы сатуға қойған Mercedes AMG GLE көлігін 2024 жылы белгілі қазақстандық кәсіпкер Жұмабек Жанықұловтан алған. Ол — медиа-тұлға Динара Сатжанның жұбайы. Сол күні дәл осындай көліктер Олимпиада жүлдегерлері Нұрбек Оралбай мен Назым Қызайбайға да табысталған болатын.
Париждегі жеңістен кейін Елдос Сметовке көптеген сыйлықтар табысталды, өйткені ол Қазақстан құрамасындағы жалғыз алтын медаль иегері болды:
Айта кетейік, Елдос Сметов — сыйға берілген мүлікті сатуға шешім қабылдаған жекелеген спортшылардың бірі ғана. Бұған дейін 2024 жылғы Олимпиаданың қола жүлдегері, боксшы Назым Қызайбай өзіне сыйға берілген төрт көліктің үшеуін сатуды жоспарлағанын айтқан еді. Ол мұны: «Барлық көлікті күтіп ұстауға мүмкіндігім жоқ» деп түсіндірген.
