Қазақстандық боксшы, екі дүркін әлем чемпионы Махмұд Сабырхан тағы да ел назарында. Бұл жолы спорттық жеңістер емес, жеке өміріндегі өзгеріс оны басты тақырыпқа айналдырды — боксшы екінші рет үйленді.
Жаңа некенің бейнежазбасы әлеуметтік желілерде тез тарады. Куәгерлердің айтуынша, «қыз ұзату» сәтін қалыңдықтың өзі жариялаған. Видео астындағы пікірлерде жанкүйерлер таңданысын жасырмады. Себебі жуырда ғана Сабырхан әке атанып, алғашқы тойын 2024 жылы өткізген.
Жаңалық шыққаннан кейін желі қолданушылары арасында түрлі пікірлер айтылды. Біреулер спортшының жеке өміріне құрметпен қарау керектігін жазса, енді біреулер мұндай жылдам шешімге таңданысын білдірді.
Бірақ барлығы бір пікірде — Махмұд Сабырхан қазақстандық бокстың ең жарқын тұлғаларының бірі екені сөзсіз. Оның рингтегі мінезі мен табандылығы көптеген жас спортшыларға үлгі болып келеді.
Махмұд Сабырхан 2021 және 2025 жылдары әлем чемпионы атағын жеңіп алған. Соңғы рет қыркүйек айында Испания өкілі Рафаэль Лозаноны тізе бүктіріп, өз титулын тағы бір мәрте дәлелдеді.
